ភ្នំពេញ ៖ នៅថ្ងៃទី០៥ ខែមេសា ឆ្នាំ២០២១នេះ លោក ហ៊ុន ម៉ាណែត បានធ្វើបង្ហោះលើទំព័រហ្វេសបុកបង្ហាញពី រូបថត៣សន្លឹកដោយបានអត្ថាធិប្បាយថា «រូបភាពដែលមើលទៅធ្វើអោយអារម្មណ៍រំភើបផង ក្តុកក្តួលផង»។

លោក ហ៊ុន ម៉ាណែត បានបន្តការសរសេរលើហ្វេសបុកទៀតថា «ទោះជាយ៉ាងណា ក៏សូមអបអរសាទរដល់ក្មួយទាំងពីរក៏ដូចជាបងប្អូនផ្សេងទៀតដែលបានជាសះស្បើយពីជំងឺកូវីដ១៩ និងសូមអរគុណដល់ក្រុមគ្រូពេទ្យនិងសេវាជួរមុខទាំងអស់ ដែលបានយកចិត្តទុកដាក់ក្នុងការព្យាបាល ថែទាំសុខភាព និងសុខទុក្ខ ដល់បងប្អូនប្រជាពលរដ្ឋដែលព្យាបាលជំងឺកូវីដ១៩ នៅតាមមន្ទីរពេទ្យនិងមន្ទីរព្យាបាលជម្ងឺកូវីដ១៩។

លោក ហ៊ុន ម៉ាណែត បានអំពាវនាវដល់ប្រជាពលរដ្ឋទាំងអស់ចូលរួមក្នុងការអនុវត្តឲ្យបានខ្ជាប់ខ្ជួននូវវិធានសុខាភិបាល (៣កុំ ៣ការពារ) ក៏ដូចជាក្នុងការទទួលចាក់វ៉ាក់សាំងការពារជំងឺកូវីដ១៩ ដើម្បីយើងរួមគ្នាទប់ស្កាត់ការរីករាលដាលនិងឈានដល់ការបញ្ចប់ជំងឺកូវីដ១៩ នៅក្នុងប្រទេសរបស់យើងបានឆាប់រហ័ស៕